यात्रा मार्खु-कुलेखानी ड्याम साइड (ड्रोन भिडियो सहित)

यात्रा मार्खु-कुलेखानी ड्याम साइड (ड्रोन भिडियो सहित)

मार्खुः

त्रिभुवन राजपथ हुँदै पुगिने इन्द्रसरोवर महाभारत श्रृंखलामा पर्ने नेपालको एकमात्रै पहाडी उपत्यका हो । राजधानीसंग जोडिएर सडक सञ्जालले छोएको यस गाउँपालिका अन्तर्गत पर्ने ईन्द्रसरोवरमा हिमपातको वेला सिम भञ्ज्याङ, दामन, टिस्टुङ, पालुङ र चित्लाङ लगायतका क्षेत्रमा घुमेर इन्द्रसरोवर हेर्न विभिन्न जिल्लाबाट यहाँ आउनेको संख्या धेरै हुन्छ । साविकका मार्खु, कुलेखानी, सिस्नेरी र फाखेल गाविसलाई समेटेर इन्द्रसरोवर गाउँपालिकाको नामाकरण गरिएको हो  ।

यहाँ अवस्थित मानव निर्मित तालको सञ्चित पानीबाट कुलेखानी पहिलो र दोस्रोबाट क्रमशः ६० र ३२ मेगावाट विद्यूत उत्पादन भइरहेको छ भने तेस्रो आयोजना निर्माणाधीन अवस्थामा छ । कुलेखानीको जलाशय हेर्नका लागि आन्तरिक मात्रै नभएर बाहृय पर्यटकमा पनि आउने गरेका छन् । कोरोना महामारीसँगैको लकडाउनले भने अहिले यस क्षेत्रमा पर्यटक आवगमन शून्य छ । इन्द्र सरोवर नेपालको सबैभन्दा ठूलो मानव निर्मित जलाशय हो । यो जलाशय माछाका लागि पनि प्रसिद्ध छ ।

मार्खु स्थित बोरोपिट सामुदायिक वनको क्षेत्रमा रहेको बोरोपिट पिकनिक स्पट पर्यटकको रोजाइमा पर्ने अर्को क्षेत्र हो । प्राकृतिको मनमोहक दृश्यसँगै यहाँ अवस्थित राणाकालीन दरबारहरु पर्यटकीय गन्तव्य पनि बनेका छन् । राणा प्रधानमन्त्री चन्द्र शमशेरको पालामा बनेको ऐतिहासिक दरबार मार्खु बजारको बीचमा छ । घोडामा राजा र राणाहरु चित्लाङको बाटो भएर तराई आउँदा जाँदा बस्नका लागि यो दरबारको निर्माण गरिएको थियो । अहिले यो दरबार विद्युत प्राधिकरणले आफ्ना पाहुना राख्न प्रयोग गर्दै आएको छ ।

बजार क्षेत्रबाट १ दिनलाई शान्त वातावरणमा रमाउन चाहने जो-कोहीका लागि पनि हाइकिङका लागि मार्खु मकवानपुर र काठमाडौं जिल्लाका लागि मुख्य गन्तव्य स्थल मानिन्छ । वरिपरि हराभरा बनजंगल अनि बिचमा शान्त मानव ताल ।

समयः २–३ घण्टा (बल्खु चोकबाट)

रुटः  काठमाडौंको बल्खुचोकबाट दक्षिणकाली हुदै कुलेखानी मार्खु पुग्न सकिन्छ  ।

मुख्य आकर्षणः हरियाली घना वनजंगलको बिचमा अवस्थित शान्त  मानव निर्मित ताल हेर्न मिल्ने ।

बजेटः प्रति व्यक्ति हजार रुपैयाँ जम्मा गरेर ड्राइ फुडहरु आफै बोकेर जादा राम्रो हुन्छ । यदि आफूले ड्राइ आइटमहरु नबोक्ने भए सोही तालको गेट नजिकै रेष्टुराहरुको सञ्चालनमा छन् । (प्रति व्यक्ति २५००-३५०० सम्म जम्मा गरे १ दिन लाई विहान गएर साँझ फर्किनसम्मलाई पुग्छ)

भिडियोः

फोटोः ekantipur.com

 

104 पटक पढिएको

Leave a Reply

Your email address will not be published. Required fields are marked *